सिरहा र नवलपरासीमा संघको प्रबोधिकरण कार्यक्रम सम्पन्न

September 9, 2019

नेपाल शिक्षक संघ जिल्ला कार्य समिति सिरहा र नवलपरासी (पुर्व) ले प्रबोधीकरण कार्यक्रम सम्पन्न गरेका छन् । ने.शि. संघ संघीय संघीय महासचिवको उपस्थितिमा २०७६ भाद्र १५ गते सिरहामा र भाद्र २१ गते नवलपरासीमा सो कार्यक्रम सम्पन्न भएको हो ।

प्रबोधीकरण कार्यक्रमको सहजकीकरण गर्दै संघीय महासचिव गिरीले संघको सांगठनिक गतिविधि, वर्तमानका शैक्षिक समस्या, चुनौती र संघको भावी योजनाका बारेमा बताउनु भयो ।
सो कार्यक्रममा नवपरासी (पूर्व)ले सहायक प्रधानाध्यापकको जिम्मेवारी प्राप्त गर्नुहुने, अन्य जिल्लाबाट सरुवा भई आउनुभएका संघका पदाधिकारी तथा शिक्षक सेवा आयोगको परीक्षाबाट स्थायी हुनुभएका शिक्षकहरुलाई सम्मान प्रदान गरेको थियो ।

कार्यक्रममा जिल्लाका स्थानीय तहबाट संघका सदस्यहरुको उल्लेख्य सहागिताका रहेको थियो । कार्यक्रम अत्यन्त उपयोगी रहेको र आगामी दिनमा पनि यस प्रकारका कार्यक्रम गर्नुपर्ने सहभागीहरुको भनाइ थियो ।
नेपाल शिक्षक सङ्घले जिल्ला जिल्लामा प्रबोधीकरण कार्यक्रम गरिरहेको छ ।